Voleybol

Millimiz Rusiya, Çin, ABŞ, İtaliya ilə eyni qrupda

Azərbaycanın voleybolçu qadınlardan ibarət milli komandasının Yaponiyada keçirilən dünya çempionatının ikinci mərhələsindəki rəqibləri məlum olub.

Dsport.az xəbər verir ki, Azərbaycan yığması növbəti mərhələdə Rusiya, Çin, İtaliya, ABŞ, Tailand, Türkiyə və Bolqarıstanla eyni qrupda mübarizə aparacaq.

Ən yaxşı nəticəyə malik 3 milli komanda üçüncü mərhələyə vəsiqə qazanacaq. Pley-offa isə ilk 2 yeri tutanlar gedəcək.

İkinci qrup mərhələsinin oyunlarına oktyabrın 7-də start veriləcək.