Voleybol

Azərbaycan klubu “Çağırış” kubokuna qələbə ilə başladı

Bu gün Dərnəgül Voleybol Mərkəzində Azərbaycanın kişilərdən ibarət “Lokomotiv” klubu “Çağırış” kuboku çərçivəsində Kipr APOEL-ini qəbul edib.

Dsport.az saytı xəbər verir ki, ilk oyun təmsilçimizin üstünlüyü şəraitində keçib. Fərid Cəlalovun komandası bu görüşdən inamlı qələbə ilə ayrılıb – 3:0 (25:20, 25:21, 25:19).

Cavab matçı noyabrın 29-da Nikosiyada keçiriləcək. Komandamız növbəti mərhələyə adlamağa çox yaxındı.