Çempionlar Liqası

UEFA ÇL-in qalibini “elan etdi” - FOTO

UEFA-nın saytı olduqca kobud səhvə yol verib.

Dsport.az xəbər verir ki, qitə futbol qurumunun rəsmi saytı 2017/18 mövsümündə Çempionlar Liqasının qalibinin İngiltərənin “Liverpul” klubu olduğunu göstərib. Saytın “Tarix” bölümündə bu mövsüm ÇL-in qalibi kimi “Liverpul” qeyd olunub. Hətta İngiltərə klubunun emblemi də bölməyə yerləşdirilib.

Lakin bir müddət sonra həmin səhv aradan qaldırılıb.

Qeyd edək ki, bu mövsüm ÇL-in finalında İspaniya çempionu “Real”la məhz “Liverpul” qarşılaşacaq. Bu komandalar arasındakı həlledici qarşılaşma mayın 26-da Ukraynanın paytaxtı Kiyevdə baş tutacaq.