Çempionlar Liqası

ÇL matçı ilə bağlı dopinq qalmaqalı

UEFA Çempionlar Liqasının qrup mərhələsinin ilk turu çərçivəsində keçirilmiş “Şaxtyor” (Donetsk, Ukrayna) – “Napoli” (İtaliya) matçından sonra futbolçulardan götürülən dopinq testlərdən biri pozitib çıxıb.

Dsport.az xəbər verir ki, Donetsk təmsilçisinin xorvatiyalı futbolçusu Dario Srna dopinqdə “ilişib”. 

Ukrayna və Xorvatiya mətbuatının yaydığı xəbərlərdə bildirilir ki, Srnadan daha bir test götürüləcək. Həmin test də pozitiv olsa, o zaman futbolçunun həm özünü, həm də klubunu ağır cəza gözləyir. Onun komandasına texniki məğlubiyyət verilməsi də istisna deyil.

Qeyd edək ki, həmin oyunda “Şaxtyor” “Napoli”ni 2:1 hesabıyla məğlub edib.