İtaliya

Berluskoni İtaliyada klub aldı

“Milan”ın keçmiş prezidenti Silvio Berluskoninin İtaliyanın 3-cü seriyasında çıxış edən “Montsa” klubunu almaq istədiyi xəbərini vermişdik.

Dsport.az xəbər verir ki, “Montsa”nın prezidenti Nikola Kolombo klubun səhmlərinin 95 faizini Berluskoniyə satdıqlarını bildirib. Bu barədə İtaliya mətbuatına açıqlama verən Kolombo bunları deyib:

“Səhmlərin 95 faizi Berluskoniyə, qalan 5 faizi isə mənə məxsus olacaq. Klubun gələcək inkşafını nəzərə alaraq, belə bir addım atdıq. “Montsa” güclü klubdur. Bir neçə il sonra klubun əsas liqada mübarizə aparacağına inanırıq”.

Berluskoni “Milan”ı 1986-cı ildə almışdı. O, klubu 2017-ci ildə çinli biznesmenə 860 milyon dollara satıb.