İtaliya

“Roma” “Qarabağ”la oyun öncəsi qələbəyə sevindi - VİDEO

Futbol üzrə İtaliya A Seriyasında 15-cü tura start verilib.

Dsport.az xəbər verir ki, UEFA Çempionlar Liqasının qrup mərhələsində Azərbaycan çempionu “Qarabağ”ın rəqibi olan “Roma” da növbəti matçına çıxıb. Sözügedən kollektiv doğma meydanda SPAL-la qarşılaşıb. Ağdam klubunun rəqibi bu oyundan qələbə ilə ayrılıb - 3:1. 

“Canavarlar” 19-cu dəqiqədə Edin Dzekonun qolu ilə hesabı açıblar. 32-ci dəqiqədə Kevin Strotman hesab arasındakı fərqi artırıb. 53-də isə Lorenso Pelleqrini romalıların üstünlüyünü bir qədər də artırıb. Qonaqlar yalnız 56-cı dəqiqədə təsəlli qolunu vura biliblər.

Ehtiyatda bir oyunu olan paytaxt təmsilçisi hazırda 34 xalla 20 iştirakçı arasında 4-cü pillədə qərarlaşıb.

“Qarabağ” ÇL-in qrup mərhələsindəki son matçını dekabrın 5-də səfərdə məhz “Roma”ya qarşı keçirəcək.