İsrafilovsuz növbəti xal itkisi

Futbol üzrə İspaniya Birinci Divizionunda (Sequnda) 39-cu turun oyunları keçirilib.

Dsport.az xəbər verir ki, Azərbaycan yığmasının yarımmüdafiəçisi Eddi İsrafilovun formasını geyindiyi “Alkorkon” da növbəti matçına çıxıb. Sözügedən kollektiv səfərdə “Hueska” ilə qarşılaşıb. Futbolçumuzun komandası bu oyundan heç-heçə ilə ayrılıb - 1:1.

Eddi bu görüşün iştirakçısı olmayıb. Millimizin üzvü qarşılaşmanın iştirak ərizəsinə də daxil edilməyib.

“Alkorkon" geridə qalan turlarda 45 xal toplayıb və hazırda 22 kollektiv arasında 17-ci pillədə qərarlaşıb.