İngiltərə

Klubu pulsuz satmağa razıdı - Premyer Liqa təmsilçisinin sahibi

“Sanderlend”in sahibi Ellis Şort bu klubu bütün borclarını ödəyəcək şəxsə pulsuz verməyə hazır olduğunu bildirib.

Dsport.az xəbər verir ki, bu barədə BBC məlumat yayıb. Son məlumatlara görə, hazırda “Sanderlend”in 137,3 milyon funt-sterlinq borcu var. Məhz bu üzdən də o, vəziyyətdən çıxış yolu kimi klubu satmaq məqsədi güdür:

“İstənilən təklifə açığam. Amma hazırda “Sanderlend”in sahibiyəm. Klubu inkişaf etdirmək üçün əlimdən gələni edəcəyəm”.

Qeyd edək ki, Şort “Sanderlend”ə 2008-ci ildən rəhbərlik edir.