İngiltərə

Harri Keyn Stiven Cerardın rekordunu təkrarladı

İngiltərənin “Tottenhem” klubunun hücumçusu Harri Keyn UEFA Çempionlar Liqasında ingilis futbolçular arasında bir mövsüm ərzində ən çox top vuran həmyerlisi Stiven Cerardın rekordunu təkrarlayıb.

Dsport.az xəbər verir ki, artıq hər iki futbolçunun hesabında 7 qol var. Harri Keyn artıq karyerasını başa vurmuş Cerarda ötən gecə ÇL-in 1/8 final mərhələsi çərçivəsində İtaliyanın “Yuventus” klubu ilə səfər oyununda vurduğu qol sayəsində çatıb. Cerard isə bu rekorda "Liverpul"un heyətində 2008/09 mövsümündə imza atıb.

“Tottenhem”in forvardı İngiltərənin ÇL-dəki ən məhsuldar futbolçusuna çevrilmək şansı da var. O, ən azı “Yuventus”la cavab matçında fərqlənməklə mütləq rekordçuya çevrilə bilər.

Xatırladaq ki, ilk oyunda 2:2 hesablı heç-heçəyə razılaşan “Tottenhem”lə “Yuventus” arasındakı cavab qarşılaşması martın 7-də Londonda keçiriləcək.