Futbol

Kapitan 100-ə çatdı

UEFA Millətlər Liqasının 5-ci turunda Xorvatiya öz meydanında İspaniyanı 3:2 hesabıyla məğlub edib.

Dsport.az xəbər verir ki, bu oyun İspaniya millisinin kapitanı Serxio Ramos üçün əlamətdar olub. 

Belə ki, 32 yaşlı müdafiəçi matçın 78-ci dəqiqədə penalti zərbəsini dəqiq yerinə yetirərək, karyerasının 100-cü qolunu vurub. Bu, həm də Ramosun penaltidən 17-ci qolu olub.

Bundan başqa, Ramos İspaniya yığması tarixində ardıcıl dördüncü matçda qol vuran ilk müdafiəçi olub.

Ramos İspaniya millisində ilk oyununa 2005-ci ildə çıxıb.