Futbol

“Keşlə”nin legionerləri Benin və Botsvana ilə oyunlara çağırıldı

“Keşlə”nin iki futbolçusu - Duallo Samba Quidileye ilə Ebrima Sohna öz ölkələrinin milli komandasına dəvət olunub. 

Dsport.az xəbər verir ki, Quideleye Mavritaniya milli komandasının heyətinə dəvət alıb. Yarımmüdafiəçi Botsvana yığması ilə Afrika Kubokunun seçmə mərhələsinin oyununa çağırılıb. Baş məşqçi Korenten Martinsin açıqladığı 24 nəfərlik siyahıda Quidileye də yer alıb. Bu matç noyabrın 18-də keçiriləcək.

Ebrima Sohna isə Qambiya millisinə dəvət alıb. Sözügedən komandanın baş məşqçisi Tom Seyntfit sərəncamında görmək istədiyi oyunçuların siyahını açıqlayıb. 20 nəfərin yer aldığı siyahıda Sohnanın da adı var. Qambiya milli komandası noyabrın 17-də Benin yığmasını qəbul edəcək.