Futbol

Nağıyevin komandası yenə doğma meydanda uduzdu

Futbol üzrə Litva çempionatında 32-ci turun oyunları keçirilib.

Dsport.az xəbər verir ki, Azərbaycan yığmasının sabiq yarımmüdafiəçisi Dmitri Nağıyevin formasını geyindiyi “Stumbras” da növbəti matçına çıxıb.

Sözügedən kollektiv doğma meydanda “Trakai” ilə qarşılaşıb. Nağıyevin komandası bu görüşdən məğlubiyyətlə ayrılıb - 0:3.

Dmitri bu matçın iştirakçısı olmayıb. Onun adı qarşılaşmanın iştirak ərizəsinə də daxil edilməyib.

“Stumbras” hazırda 48 xalla 8 kollektiv arasında 4-cü pillədə qərarlaşıb.