Futbol

Türkiyə Rusiyaya uduzdu, İtaliyadan ilk qələbə

Futbol üzrə UEFA Millətlər Liqasında qrup mərhələsinin 4-cü turuna start verilib.

Dsport.az xəbər verir ki, bu gün daha 7 qarşılaşma baş tutub. 

Azərbaycan yığması da sözügedən turnirdə növbəti matçına çıxıb. Qurban Qurbanovun çalışdırdığı milli doğma meydanda Malta ilə qarşılaşıb və xal itkisi ilə üzləşib.

Azərbaycanın yer aldığı qrupun digər matçında lider Kosovo səfərdə Farer adaları ilə qarşılaşıb. Bu oyunda da tərəflər meydanı heç-heçə ilə tərk ediblər.

A Liqasında bir görüş olub. Son oyunlarda qələbə qazana bilməyən İtaliya Polşa millisi ilə qarşılaşıb. Qonaqlar bu görüşün son dəqiqələrində vurulan yeganə qolla ilk qələbə sevincini yaşayıblar.

B liqasının 2-ci qrupunda yer alan Türkiyə yığması səfərdə Rusiyanın qonağı olub. Şimal qonşularımız qardaş ölkə yığması üzərində 2 cavabsız qolla qələbəyə sevinib.

UEFA Millətlər Liqası
Qrup mərhələsi
14 oktyabr

A Liqası
3-cü qrup

Polşa - İtaliya 0:1
Qol: Biraqi, 90+2.

B Liqası
2-ci qrup

Rusiya - Türkiyə 2:0
Qol: Noyştadter, 20. Çerışev, 78.

C Liqası
1-ci qrup

İsrail - Albaniya 2:0
Qol: Hemed, 8. Saba, 83.

4-cü qrup

Rumıniya - Serbiya 0:0

Litva - Çernoqoriya 1:4
Qol: Baravikas, 88 - Muqoşa, 10; 45-pen. Kopitoviç, 35. Zoriç, 86.

D Liqası
3-cü qrup

Azərbaycan - Malta 1:1
Qol: A.Abdullayev, 53 - R.Muskat, 37.

Farer adaları - Kosovo 1:1
Qol: R.Yonsen, 50 - M.Raşiça, 9.