Futbol

Dadaşov Portuqaliyada qol hesabını açdı, qovuldu

Futbol üzrə Portuqaliya Sequndasında 2-ci turun oyunları keçirilib.

Dsport.az xəbər verir ki, Azərbaycan yığmasının futbolçusu Renat Dadaşovun formasını geyindiyi "Eştoril” də növbəti matçına çıxıb.

Sözügedən klub səfərdə “Braqa”nın B komandası ilə qarşılaşıb. Futbolçumuzun komandası bu oyundan qələbə ilə ayrılıb – 1:0.

Dadaşov da bu oyunun iştrakçısı olub. O, fasilədən dərhal sonra - 46-cı dəqiqədə meydana daxil olub.

Komandasının yeganə qolunu da millimizin forvardı vurub. O, 57-ci dəqiqədə fərqlənib. Lakin 90+2-ci dəqiqədə Dadaşov birbaşa qırmızı vərəqə alaraq meydandan qovulub.