Futbol

Belçika dünya üçüncüsü oldu

Rusiyada təşkil olunmuş futbol üzrə dünya çempionatı sona yaxınlaşır.

Dsport.az xəbər verir ki, bu gün DÇ-2018-də 3-cü yer uğrunda oyun keçirilib. Mundialın bürünc medalları uğrunda Belçika və İngiltərə yığmaları mübarizə aparıb.

Belçika yarımfinalda Fransaya 0:1 hesabıyla uduzmuşdusa, İngiltərə Xorvatiya ilə əsas vaxtı 1:1 hesabıyla bitən görüşün əlavə vaxtında buraxdığı daha bir qola görə finala çıxa bilməmişdi. Yarımfinalın məğlublarının duelində isə sevinən Belçika olub. İki cavabsız qolla qalib gələn Eden Azar və komanda yoldaşları mundialın bürünc medallarına sahib çıxıblar.

Qeyd edək ki, dünya çempionatının final matçı sabah Fransa və Xorvatiya yığmaları arasında keçiriləcək və Bakı vaxtı ilə 19:00-da start götürəcək.

DÇ-2018
3-cü yer uğrunda oyun

14 iyul

Belçika - İngiltərə 2:0
Qol: T.Munye, 4. E.Azar, 82.
Baş hakim: Alireza Fəqani (İran).
Sankt-Peterburq. “Sankt-Peterburq” stadionu.

Belçika: 1. Tibo Kurtua, 2. Tobi Alderveyreld, 4. Vensan Kompani, 5. Yan Vertongen, 6. Aksel Vitsel, 7. Kevin de Breyne, 9. Romelu Lukaku, 10. Eden Azar (k), 15. Tomas Munye, 17. Yuri Tilemans, 22. Naser Şadli.
Ehtiyat oyunçular: 3. Tomas Vermaelen, 8. Maruan Fellaini, 11. Yannik Karrasko, 12. Simon Minolye, 13. Kun Kastels, 14. Dris Mertens, 16. Torqan Azar, 18. Adnan Yanuzay, 19. Mussa Dembele, 20. Dedrik Boyata, 21. Miçi Batşuayi, 23. Leander Dendonker.
Baş məşqçi: Roberto Martines.
İngiltərə: 1. Cordan Pikford, 3. Denni Rouz, 4. Erik Dayer, 5. Con Stounz, 6. Harri Maquayr, 9. Harri Keyn (k), 10. Rahim Sterlinq, 12. Kiran Trippyer, 16. Fil Cons, 17. Fabian Delf, 21. Ruben Loftus-Çik.
Ehtiyat oyunçular: 2. Kayl Uolker, 7. Cessi Linqard, 8. Cordan Henderson, 11. Ceymi Vardi, 13. Cek Batlend, 14. Denni Uelbek, 15. Qari Keyhill, 18. Eşli Yanq, 19. Markus Reşford, 20. Dele Alli, 22. Trent Aleksander-Arnold, 23. Nik Pope.
Baş məşqçi: Qaret Sautqeyt.