Futbol

Vyana “Karabakh”ında yeni baş məşqçi

Avstriyada azərbaycanlılar tərəfindən yaradılmış “Karabakh” futbol klubuna yeni baş məşqçi təyin olunub.

Komanda.az xəbər verir ki, Vyana klubunun rəhbərliyi avstriyalı mütəxəssis Hans Kleerlə anlaşıb. 48 yaşlı məşqçi yeni işinə sabahdan etibarən başlayacaq.

“Karabakn”ı Kleerə qədər türkiyəli məşqçi Volkan Kahraman çalışdırırdı. O, ötən gün gözlənilmədən istefa verdiyini açıqlamışdı.

Qeyd edək ki, “Karabakh”da azərbaycanlı futbolçular da çıxış edirlər. Dmitri Nağıyevlə Elvin Bədəlov ötən ilin yayından bu klubun şərəfini qoruyursa, Emil Fərzəliyev bu qış transfer dönəmində Vyana təmsilçisinə keçib.

“Karabakh” hazırda Avstriyanın gücünə görə üçüncü dərəcəli çempionatı sayılan Şərq Regional Liqasında 27 xalla 8-ci pillədə qərarlaşıb.