Fransa

“Çelsi”nin hücumçusu “Monako”da

“Monako” qış transfer pəncərəsi dövründə növbəti transferini reallaşdırıb.

Dsport.az xəbər verir ki, “knyazlıq klubu” “Çelsi”nin futbolçusu Mişi Batşuayini heyətinə qatıb. Bu barədə klubun vitse-prezidenti Vadim Vasilyev Fransa mətbuatına açıqlamasında deyib.

O, 25 yaşlı forvardın mövsümün sonuna qədər icarə əsasında “Monako”da çıxış edəcəyini bildirib.

2018/19 mövsümünün ilk dövrəsini icarə əsasında “Valensiya”da keçirən Batşuayi, 23 qarşılaşmada iştirak edərək 3 qol vurub.

“Monako” qış transfer pəncərəsi dövründə “Lill”dən Fode Ballo-Ture, “Çelsi”dən Sesk Fabreqas, “Antalyaspor”dan Vilyam Vankeri transfer edib.