Avropa Liqası

Avroliqada həftənin ən yaxşısı bəlli oldu

Avropa Liqasında həftənin ən yaxşı futbolçusu müəyyənləşib.

Dsport.az xəbər verir ki, ən yaxşı adını qazanmağa iki namizəd var idi. Bunlardan biri Avstriyanın “Zalsburq” klubunun yarımmüdafiəçisi Amadu Haydara, digəri isə Madrid “Atletiko”sunun hücumçusu Dieqo Kostaydı.

UEFA-nın rəsmi saytında azarkeşlər arasında aparılan sorğu nəticəsində Kosta bu həftənin ən yaxşı oyunçusu seçilib. O, söslərin 83 faizini toplayıb. Haydara isə cəmi 17 faiz səs toplaya bilib.

Qeyd edək ki, Avroliqanın yarımfinal mərhələsi çərçivəsində İngiltərə “Arsenal”ı ilə cavab oyununda (1:0) komandasının qələbə qolunu məhz Dieqo vurub. Onun komandası səfərdə heç-heçə etmişdi (1:1).