Cüdo

Millimizin üzvləri cüdonun yeni qaydaları ilə məlumatlandırıldı

Avstriyanın Mittersil şəhərində Beynəlxalq Cüdo Federasiyasının təşkilatçılığı ilə hakimlər və məşqçilər üçün beynəlxalq seminar keçirilib. Dsport.az xəbər verir ki, Beynəlxalq seminarda iştirak etmiş Azərbaycan Cüdo Federasiyasının Hakimlər Komitəsinin sədri, beynəlxalq dərəcəli referi Fariz Hüseynov və Regionlarda cüdonun inkişafı sektorunun müdiri, məşqçi Tərlan Poladov yeni qaydalarla cüdoçularımızı məlumatlandırmaq üçün Bakıda seminar keçirib.

Azərbaycan Cüdo Federasiyasının Bakı Olimpiya Stadionunda yerləşən təlim-məşq bazasında hər iki mütəxəssis cüdonun yeni qayda və qanunlarının tədbiqini əyani şəkildə göstəriblər. Qəbul edilmiş yeni qaydalar cüdoçulara ətraflı izah edilib.