Bizim futbol

“Neftçi” - “Zirə” matçında daha bir şok

Topaz Premyer Liqasının 11-ci turunun “Neftçi” – “Zirə” matçında daha bir şok yaşanıb.

Dsport.az xəbər verir ki, qarşılaşmanın 69-cu dəqiqəsində “Zirə”nin qapıçısı Anar Nəzirovun rəqib futbolçu Mirabdulla Abbasovla toqquşma zamanı dili qatlanıb. Digər futbolçular dərhal həkimləri meydana dəvət çağırıblar. Bu üzdən həm “Zirə”, həm də “Neftçi”nin həkimləri qapıçıya kömək etməyə gəliblər. Dili qatlanan futbolçunu çətinliklə də olsa, özünə gətirmək mümkün olub.

Bu üzdən matçda da 4-5 dəqiqəlik fasilə yaranıb. Vəziyyəti qənaətbəxş olmayan Nəzirovu isə 74-cü dəqiqədə ehtiyat qapıçı Kamal Bayramov əvəzləyib.

Xatırladaq ki, bu matçın ilk yarısında “Neftçi”nin məşqçisi Fizuli Məmmədovun da ürəyi getmişdi.