Bizim futbol

Millimizin baş məşqçisi: “Onlar verilən tapşırığı maksimum yerinə yetirdilər”

Azərbaycanın 19 yaşadək futbolçulardan ibarət yığmasının baş məşqçisi Vüqar Məmməd bu gün “Qəbələ”nin əvəzedici komandasına qarşı keçirdikləri yoxlama oyununu şərh edib.

Dsport.az xəbər verir ki, o, 3:0 hesabıyla qalib gəldikləri oyunla bağlı bunları söyləyib: 

“Futbolçularımı növbəti qələbə münasibəti ilə təbrik edirəm. Onlar oyunda verilən tapşırığı maksimum yerinə yetirdilər. Proqrama əsasən, Avropa çempionatının seçmə mərhələsi öncəsi bu təlim-məşq toplanışında işimizin böyük qismini görməliyik. Əsas məqam odu ki, komanda şəklində heç bir boşluq buraxmadan səylə, çox ciddi çalışırıq. Futbolçulardan Kamran Quliyevə klubunun xahişi ilə icazə verdik və o, oyundan sonra düşərgədən ayrıldı. Ona komandasında uğurlar arzu edirəm. Futbolçular istər milli komandanın düşərgəsində, istər öz komandalarında olsun, daim diqqətimizdə olacaqlar. Növbəti çətin oyunlara hazırlaşacağıq”.