Bizim futbol

“Qəbələ”nin yeni transferi - VİDEO

“Qəbələ”nin Albaniya milli komandasının futbolçusu Sabien Lilayı transfer etdiyiniz xəbər vermişdik.

Dsport.az xəbər verir ki, tərəflər 1+1 illik müqavilə imzalayıblar. Peşəkar karyerasına “Tirana”da başlayan Lilay 2008-2011-ci illərdə bu komandada çıxış edib. 2011-2012-ci illərdə Xorvatiyada legioner həyatı yaşayan Sabien “Lokomotiva”nın formasını geyinib. 29 yaşlı yarımmüdafiəçi 2012-ci ildən 2018-ə qədər “Skenderbeu”da oynayıb. Sabien Albaniya klublarının heyətində 6 dəfə ölkə çempionu, 2 dəfə kubok, 2 dəfə Superkubokun qalibi adını qazanıb, 2015 və 2017-ci illərdə ölkəsində ilin futbolçusu seçilib. Albaniyanın U-20 və U-21 yığmalarının şərəfini qorumuş Lilay 2011-ci ildə ölkəsinin əsas millisində debüt edib. Yarımmüdafiəçi bu komandada 16 oyun keçirib.

“Qəbələ”nin klub televiziyası yeni transferin əvvəlki oyunlarından ibarət videoçarx hazırlayıb. Həmin video ilə sizi də tanış edirik: