Bizim futbol

Azərbaycan mövsümü 23-cü pillədə başa vurdu

Avrokubokların 2017/18 mövsümünə yekun vurulub. 

Dsport.az xəbər verir ki, dünən "Real"la "Liverpul" arasında keçirilmiş Çempionlar Liqasının final matçından sonra UEFA reytinqinin yekun siyahısı bəlli olub.

Finalda 3:1 hesabı ilə qalib gələn “kral klubu” İspaniyanın xal hesabını bir az da artırıb (106,998). Pireney ölkəsi son 5 mövsümün əmsallarına əsasən, siyahının birinci pilləsində qərarlaşıb. Cədvəldə İngiltərə (79,605) 2-ci, İtaliya (76,249) isə 3-cü sırada yer alıb. İlk beşlikdə qərarlaşmış digər ölkələr isə Almaniya (71,427) və Fransadı (56,415).

Azərbaycan avrokubok mövsümünü 23-cü yerdə başa vurub. Təmsilçilərimiz son 5 avrokubok mövsümündə 19,125 xal toplayıb.

Artıq ölkəmizin növbəti avrokubok mövsümünə hansı pillədə başlayacağı da bəllidi. Belə ki, yeni mövsümə Azərbaycan 16,625 xalla 22-ci sırada start verəcək. 2013/14 mövsümündə əldə etdiyimiz 2,500 reytinq xalı isə hesabımızdan silinəcək.