“Şalke” Kosovo yığmasının forvardını icarəyə verdi

Almaniyanın “Şalke” klubu hücumçusunu icarəyə verib.

Dsport.az xəbər verir ki, Donis Avdiyay karyerasını Hollandiyada davam etdirəcək. Bundesliqa təmsilçisi futbolçusunu “Villem II” klubuna icarəyə göndərib.

Tərəflər 1 illik müqaviləyə imza atıblar.

21 yaşlı futbolçu məhz “Şalke”nin yetirməsidi. O, geridə qalan mövsümün ikinci dövrəsində də Hollandiyanın “Roda” klubunda icarədə oynayıb.

Almaniyada anadan olan Avdiyay 2017-ci ildən Kosovo yığmasının şərəfini qoruyur.