Almaniya

Dmitri Nazarov qol vurdu, komandası qalib gəldi

Almaniyanın “Ersgebirge” klubu yoxlama oyununda qüvvəsini sınayıb.

Dsport.az xəbər verir ki, Azərbaycan yığmasının yarımmüdafiəçisi Dmitri Nazarovun formasını geyindiyi Aue təmsilçisi Almaniyanın digər klubu “Plauen”lə qarşılaşıb. Üç qolun qeydə alındığı qarşılaşma “Ersgebirge”nin qələbəsi ilə başa çatıb - 2:1. 

Dmitri də bu görüşün iştirakçısı olub. Start heyətdə meydana çıxan və 60-cı dəqiqədə əvəzlənən Nazarov komandasının qələbəsində də xüsusi pay sahibi olub. Belə ki, oyundakı ilk qolu 19-cu dəqiqədə məhz millimizin üzvü vurub.